Ўзбекистоннинг Киевдаги элчихонаси Украинани Мустақиллик куни билан табриклади

Ўзбекистоннинг Киевдаги элчихонаси Украинани 24 август куни нишонланадиган миллий байрами – Мустақиллик куни билан табриклади. Украина тилидаги табриклар элчихонанинг Facebook тармоғидаги саҳифасида эълон қилинди.  Бунга «Газета.uz» нашри эътибор қаратади.

“Қадрли украиналик дўстлар, сизларни давлат байрам – Мустақиллик куни билан самимий муборакбод этамиз! Халқларимиз ўртасидаги анъанавий ва кўп йиллик дўстлик ришталари бундан буён ҳам самарали ривожланишига ишончимиз комил. Фурсатдан фойдаланиб, сизларга тинч осмон, абадий равнақ ва фаровонлик тилаб қоламиз”, — дейилади хабарда.

Ўтган йил шу куни элчихона ўз сайтида Ўзбекистон президенти Шавкат Мирзиёевнинг Украина президенти Владимир Зеленскийга йўллаган табригини эълон қилган эди.