Зеленский энергетика объектларига ҳужумлардан ўзаро воз кечиш «урушнинг фаол босқичини тугатиши» мумкинлигини айтди

«Украина президенти Владимир Зеленскийнинг сўзларига кўра, Россия ва Украинанинг энергия инфратузилмасига ҳужумларни тўхтатиш бўйича ўзаро келишуви урушни тугатиш йўлидаги қадам бўлиши мумкин», -деб хабар бермоқда BBC

Зеленскийнинг журналистларга берган интервюсида бу баёнотини Британиянинг Financial Times газетаси келтирди.

“Биринчи саммит давомида энергия хавфсизлиги бўйича қарор қабул қилиниши мумкинлигини кўрдик. Бошқача қилиб айтганда: биз уларнинг энергетика инфратузилмасига ҳужум қилмаяпмиз, улар бизникига ҳам ҳужум қилишмайди. Бу урушнинг фаол босқичининг тугашига олиб келиши мумкинми? Мен шундай деб ўйлайман”, — дея Зеленский сўзларини келтиради.

Илгари Зеленский бир неча бор Россия президенти Владимир Путин билан музокараларни беҳуда деб атаган, чунки у тинчликка тайёрлигини намойиш қилмаган ва жанговар ҳаракатлардаги ҳар қандай паузадан ўз манфаати учун фойдаланиши мумкин.