Зеленский: Россия Украинага катта зарба бериб, 200 дан ортиқ нишонга ҳужум қилди

Украина президенти Владимир Зеленский 120 га яқин ракета ва 90 та учувчисиз учиш аппарати мамлакат бўйлаб энергетика инфратузилмасига ҳужум қилганини айтди. У ўзининг Телеграм-каналида Россия “Шаҳед” дронлари, шунингдек, “Зиркон”, “Искандер” ва “Кинжал” ракеталаридан фойдаланганини таъкидлади.

Украина ҳаво ҳужумидан мудофаа кучлари 140 дан ортиқ ҳаво нишонларини йўқ қилишга муваффақ бўлди. Бироқ, энергетика объектлари зарбалар ва қулаб тушган вайроналар туфайли шикастланган.

Ҳужумлар натижасида одамлар ҳалок бўлди: Одесса вилоятида – иккита, Николаевда – иккита ҳалок бўлди ва олти киши яраланди, шу жумладан иккита бола ҳам бор. Лвов вилоятида ракета қолдиқлари 66 ёшли аёлнинг ўлимига сабаб бўлди.

Вазиятнинг кескинлашуви муносабати билан Полша ўз ҳаво ҳудудини ҳимоя қилиш учун қирувчи самолётларини қўзғатди, дейди Полша армиясининг оператив қўмондонлиги.