Тошкентда Қурувчилар кунига бағишланган тантаналар бўлиб ўтди, у вилоятларда ҳам давом этади

8 август куни Тошкентда қурилиш соҳаси ишчилари куни кенг нишонланди. Шу куни “Central Park”га ташриф буюрувчилар қурувчиларни касб байрамлари билан табрикладилар ва КНАУФдан танловлар, аниматорлар чиқиши, ижодий фото зоналар, қувноқ шаржлар ва совринлар билан ажойиб оқшом ўтказдилар. Тадбир тиббий хавфсизлик чораларига риоя қилинган ҳолда ўтказилди.

И.В. Савицкий номидаги Қорақалпоғистон Республикаси Давлат музейининг дурдоналари «жонланган» санъат майдони парк меҳмонларининг катта завқланишига сабабчи бўлди. Катта ЛEД дисплейларда Волков, Тансиқбоев, Қорахан, Уфимцев, Кашин, Татевосян, Курзин, Лисенко, Усто Мўмин, Мазел, Рождественский, Савицкий ва Фалькнинг қаламига мансуб санъат асарлари намойиш этилди. Уларнинг қаҳрамонлари гўё туваллардан ташқарига чиқиб, рақамли майдонга жойлашиб, томошабинларни Санъат томон яна бир бор назар ташлашларига сабабчи бўлгандай эди.

«Қурувчилар куни – КНАУФ учун муҳим байрам. Компания ҳар йили республика бўйлаб байрам тадбирларини ўтказади. Бу ўз ишига ҳаётини бағишлаган, уйларимизни ва офисларимизни фаровон қиладиган инсонларга «раҳмат» дейиш имкониятидир. Анъанага кўра, KNAUF QK21 бадиий компонентга эга. Бу йил биз тошкентликларни Савитский музейининг афсонавий коллексияси билан таништиришга қарор қилдик. Парк ҳудудига ташриф буюрувчилар бизнинг саъй-ҳаракатларимизни юқори баҳолаб, санъат майдонига бир неча бор қайтгани қувонарли», — дейди КНАУФнинг Ўзбекистондаги корхоналари раҳбари Дмитрий Дерипалко.

9-14 август кунлари байрам тадбирлари вилоятларда ўтказилади. KNAUF QK21 га ташриф буюрувчилар танловлар ва ижодий устахоналарда иштирок этадилар, жуда катта ранг бериш саҳифаларини бўяйдилар, гигант женгани йиғиб, баскетбол ўйнаб совринлар ютиш имконига эга бўладилар.

Ташкилотчилар, шунингдек, масофавий машғулотларни тайёрладилар: ижтимоий тармоқларда фото ва видео танлов, “Ўзбегим Таронаси” ва “Ориат Доно”да радио -викториналар. Ғолибларга Bluetooth товуш кучайтиргичлари ва КНАУФ брендли сувенирлари топширилади.

Танлов шартлари ушбу ҳаволада

KNAUF QK21 жадвали

Маълумотнома:

Президентнинг 07.08.2017 йилдаги «Ўзбекистон Республикаси қурилиш соҳасида ишчилар кунини нишонлаш тўғрисида»ги фармони билан август ойининг иккинчи якшанбаси Қурилиш ишчилари куни деб эълон қилинди. Касб байрамини белгилашдан мақсад «республикада олиб борилаётган қурилиш ва бунёдкорлик ишларини тезлаштириш, қурилиш соҳасида эришилган ютуқларни кенг тарғиб қилиш ва мутахассисларни рағбатлантириш»дир. 2017 йил 21 декабрда «Ўзбекистон Республикасида қурилиш ишчилари кунини белгилаш тўғрисида»ги қонун имзоланди.

КНАУФ компанияси ҳақида:

КНАУФ – оилавий бизнес тамойилларига асосланган халқаро компания ва ўз фаолиятининг глобал миқёсига қарамай, бу қадриятларни сақлаб қолишга муваффақ бўлди. Бугунги кунда КНАУФ халқаро гуруҳи дунёдаги энг йирик қурилиш материаллари ишлаб чиқарувчилардан бири ҳисобланади. 1993 йилда КНАУФнинг Россиядаги сармоявий фаолияти бошланди, кейин Украина, Қозоғистон, Ўзбекистон, Озарбайжон ва Грузияда корхоналар сотиб олинди. Маркетинг фаолияти деярли барча МДҲ мамлакатлари, Грузия ва Мўғилистонга тарқалди. МДҲ мамлакатларидаги КНАУФ корхоналари замонавий ускуналар билан жиҳозланган, бутун халқаро гуруҳ учун бир хил ишлаб чиқариш технологиясидан фойдаланади ва энг юқори сифатли қурилиш материалларини ишлаб чиқаради. Сифат стандартлари Германия ва МДҲ мамлакатларидаги КНАУФ корхоналари учун бир хил.

Ўзбекистон, МДҲ давлатлари ва дунё бўйлаб КНАУФ гуруҳи ҳақида батафсил маълумотни www.knauf.uz, www.knauf.ru, www.knauf.com сайтларида топишингиз мумкин.