Мавлуда: оиладаги зўравонлик ҳақида ҳужжатли фильм

Бу узоқ йиллар давомида давлат ва жамият кўз юмиб келган оиладаги зўравонлик ҳақидаги фильм. Оиладаги зўравонлик сабаблари кўп қиррали бўлиб, одатда зўравонлик қурбонлари бўлган аёллар жамият негизларига ва давлат тизимига қарши туришга ўзларида куч тополмайдилар.   

Анча вақтга чўзилган ажрашиш процедураси Мавлуданинг оиласида зўравонлик ва фожиа сабабчисига айланди. 2019 йилнинг биринчи ярим йиллигида Ўзбекистонда 16 мингта ажрашиш ҳолати қайд этилган. Ушбу рақам кўпроқ бўлиши мумкин эди, аммо судлар кўп ҳолларда никоҳлари деярли бузилиб бўлган жуфтликларни ҳам ажратишдан бош тортиши ҳеч кимга сир эмас.