Диёра Усмонова миллиардер Алишер Усмоновнинг жияни Бобур билан оилавий ҳаётда бошидан ўтказган зўравонликлар ҳақида гапириб берди

Тадбиркор Диёра Усмонова миллиардер Алишер Усмоновнинг жияни марҳум Бобур Усмонов билан биринчи турмушида бошидан кечирган оиладаги зўравонликлар ҳақида гапириб берди. Инстаграм аккаунтида у тўрт йил давом этган калтаклар, мия чайқалиши, қон, кўкаришлар ва синган мебеллар ҳақида гапирди.

Диёра эҳтимолий хавф-хатарга қарамай, ўз ҳикоясини баҳам кўришга қарор қилганини тан олди, чунки у оиладаги зўравонликдан азият чекаётган бошқа аёлларга бу ёрдам беришига ишонади. У ўзининг эрига бўлган муҳаббати ва эҳтирос туйғулари зўравонлик ва калтаклар билан аралашиб кетган фожиали ҳолатини тасвирлаб берди. Диёранинг таъкидлашича, бундай муносабатлар унда чуқур руҳий жароҳатлар қолдирган.

У ўз ҳикоясида аёлларнинг бундай муносабатларни тўхтата олиши ва қўрқув ва шубҳаларга қарамасдан кетишга куч топа олиши муҳимлигини таъкидлади. У аёлларни ўзини ҳурмат қилишни ва зўравонликка тоқат қилмасликни ўрганишга чақирди. Диёра аёлларни ўз қадр-қимматини англаб, бахти учун курашишга ундайди. У, шунингдек, зўравонликка чидашда давом этгани учун ўзининг жавобгарлик улушини тан олди ва буни хато деб ҳисоблайди.

Диёра Усмонова ўз ҳикоясини эълон қилгач, собиқ эрининг оиласи билан муносабатлари ёмонлашганини пайқади. Ҳозирда у бир нечта компанияларнинг асосчиси ҳисобланади, у оиладаги зўравонликдан азият чекаётган бошқа аёлларга ёрдам бериш учун ўз тажрибасидан фойдаланишга ҳаракат қилмоқда.