“Янгиобод” турбазасининг апелляция шикояти кўриб чиқилмади

«YANGIABAD JEMCHUJINA CHATKALA» МЧЖнинг Ангрен шаҳар прокуратураси даъвоси бўйича Оҳангарон туманлараро иқтисодий судининг қарорига нисбатан апелляция шикоятини кўриб чиқиш бўйича суд мажлиси ўтказилмади

Бунга Тошкент вилоят иқтисодий судида кворумнинг йўқлиги сабабчи бўлган. Амалдаги тартибга мувофиқ, апелляция шикоятлари учта судьядан иборат коллегиал таркибда кўриб чиқилади.

Олий суд иш кўриб чиқилиш учун қайси судга берилишини белгилаши керак: Тошкент шаҳар судидами ёки Сирдарё вилоят судида? Бўлғуси мажлис ўтказиладиган сана ва жой қўшимча равишда эълон қилинади.
Оҳангарон туманлараро иқтисодий суди 2020 йил 24 январь куни қондирган Ангрен прокуратураси томонидан тақдим этилган даъвонинг моҳияти турбазага қарашли ер участкаси ва унда жойлашган бинолар ва иншоотларни баҳолаш бўйича мажбуриятларни «YANGIABAD JEMCHUJINA CHATKALA» МЧЖга юклаш ва баҳолаш ишлари ҳақида Ангрен ҳокимлигига ҳисобот тақдим этиш ва мулкни унинг балансига ўтказишдан иборат эди.

«YANGIABAD JEMCHUJINA CHATKALA» МЧЖ директори Али Тўхтаевнинг апелляция шикоятида биринчи инстанция судининг қарорига рози эмаслиги қайд этилади.

Корхонанинг фикрича, қарор процессуал ва моддий ҳуқуқ нормаларини бузган ҳолда чиқарилган.

Ўзининг апелляция шикоятида корхона процессуал қонун нормаларига таянган ҳолда, далил сифатида апелляция инстанцияси судига муайян ҳаракатларни амалга ошириш мажбуриятларини юклаш ҳақидаги ишлар иқтисодий суднинг ваколатига кирмайди.

«Биринчи инстанция судининг қарорида, унга жавобгарга ўз ҳисобидан объектни баҳолаш, баҳолаш натижалари ва мулкини Ангрен ҳокимлигига бериш мажбуриятларини юклаш ҳақидаги ишни кўриб чиқиш мажбуриятини юклайдиган қонунга ҳавола йўқ. Бу билан суд унга тақдим этилган ваколатлар чегарасидан чиқди ва жавобгарнинг қонун билан муҳофаза қилинадиган ҳуқуқ ва манфаатларини бузди», – дейди турбаза раҳбари.
 
Шунингдек суд томонидан қабул қилинган қарор, корхонанинг фикрича, Ўзбекистон Республикасининг “Баҳолаш фаолияти тўғрисида”ги қонунини ва бошқа норматив-ҳуқуқий ҳужжатларни бузади.
 
Шу сабабларга кўра, жавобгарлар ўзининг апелляция шикоятида суддан Оҳангарон туманлараро иқтисодий судининг қарорини бекор қилишни ва ушбу иш бўйича ишлаб чиқаришни тўхтатишни сўрайди.