“Боқий Бухоро” этно-боғи қурилиши учун яна 9 та бино бузилади

Бухорода “Боқий Бухоро” этнографик сайёҳлик маркази қурилиши учун бир қатор объектлар бузиб ташланиши бошланди: вилоят ҳокимлиги, санъат мактаби, “Бухоро Арена” спорт мажмуаси ва футбол стадиони шулар жумласидандир. Аммо бузилиши керак бўлган бинолар рўйхати кенгроқ бўлиши мумкин, бу давлат харидлари портали маълумотларини таҳлил қилиш натижасида маълум бўлди.

Бухоро шаҳар ҳокимлигининг бюджетдан ташқари пенсия жамғармаси, Бухоро шаҳар ҳокимлиги биноси, 2-сонли мактаб, Бухоро вилоят прокуратураси балансидаги бино, Мактабгача таълим ва мактаб таълими бошқармаси, Бухоро вилояти адлия бошқармаси, Тиббиёт институти, Бухоро вилоят молия бошқармаси балансидаги бино, Бухоро вилояти Фавқулодда вазиятлар бошқармаси – бу биноларнинг барчаси бузилади.

Бузилиш билан боғлиқ харажатлар Bukhara Business Standart  томонидан баҳоланган. Жорий йилнинг 14-17 февраль кунлари мазкур объектларни баҳолаш бўйича шартномалар тузилган.

Энг яхши таклиф учун барча танловларда Bukhara Business Standart компанияси Kafil Baholash ва Orient Valuation Group билан рақобатлашган.

Ушбу компаниялар ҳақида нималар маълум

Bukhara Business Standart:  устав фонди 1 миллион сўм, бошқа тоифаларга кирмаган бошқа касбий, илмий ва техник фаолият турлари билан шуғулланади. Таъсисчилар Элов Нодир Нейматович (60%) ва Исматов Шамшод Қурбонович (40%), иккинчиси ҳам раҳбар ҳисобланади.

Устав капитали 10 миллион сўм бўлган Kafil Baholash  компанияси бошқа тоифаларга кирмаган бошқа касбий, илмий ва техник фаолият турлари билан ҳам шуғулланади. Директор ва таъсисчи сифатида Ибрагимов Бахтияр Жуманазарович кўрсатилган.

Устав капитали 10 миллион сўм бўлган Orient Valuation Group  компанияси тижорат фаолияти ва бошқаруви масалалари бўйича консультациялар билан шуғулланади. Раҳбари Очилов Азизбек Абдукарим ўғли, таъсисчиси Orient Holdings (100%). Ўз навбатида, Orient Holdings асосчиси Садаев Нурислом Чори ўғли ҳисобланади.

Дана Опарина