«Коррупциядан холи дунё – барчанинг орзуси»

“Коррупциядан холи дунё – барчанинг орзуси” шиори остидаги плакатларга Ўзбекистон бўйлаб турли давлат ташкилотлари томонидан 2,4 миллиард сўмдан ортиқ маблағ сарфланди. Ушбу давлат харидларига худди шу шиор билан девор панеллари ҳамда ёғоч ва шишага босиб ёзиш хизматлари ҳам киради. Давлат харидлари портали таҳлилидан кўриниб турибдики, шартномалар ўзаро боғланган ташкилотларга берилган.

Плакатларни ким сотиб олди?

Ушбу товар ва хизматларни харид қилганлар орасида мамлакатимиздаги турли давлат ташкилотлари – мактаб ва олий ўқув юртлари, поликлиникалар ва тиббиёт бирлашмалари, касбий малака марказлари, турли шаҳарлар ҳокимликларининг молия бўлимлари бор эди.

Бу шартномаларга ким эга бўлди?

Ушбу шартномаларнинг бир қисми HUQUQIY AXBOROT  МЧЖ томонидан олинган. Юридик ташкилотлар реестридан компания «бошқа полиграфия фаолияти турларини» тақдим этиши маълум бўлди. Компаниянинг устав капитали 10 миллион сўмни ташкил этади.

Муассислар орасида El Madad Guruhi (85%) ва Баротов Шерали Қувондиқ ўғли (15%) бор.

​Бошқа шартномалар IJTIMOIY RIVOJLANTIRISH ташкилоти олган. У ҳам полиграфия хизматларини кўрсатади, устав капитали 10 млн. Муассис – Аслонов Мардорхон Аткиёевич (100%). Раҳбар сифатида HUQUQIY AXBOROT  МЧЖ таъсисчиси Баротов Шерали Қувондиқ ўғли кўрсатилган.

IJTIMOIY RIVOJLANTIRISH МЧЖ HUQUQIY AXBOROT МЧЖ билан бир манзилда рўйхатдан ўтганлиги ҳам қизиқ – Шота Руставели кўчаси, 45.

Таҳририят Бош прокуратурага шартномалар нима сабабдан ўзаро боғланган ташкилотларга берилганига изоҳ бериш сўрови билан мурожаат қилди.

Бу плакатлар қандай кўринишда?

Ушбу плакатлар ва панноларнинг қандай кўринишда эканини топишнинг иложи бўлмади, аммо давлат харидлари веб-сайтида уларнинг тавсифи мавжуд.

Шиша ва ёғочга босиб чиқариш тавсифи

“75*53 ўлчамдаги шишага босиб чиқариш хизмати, шиша қалинлиги 0,5 см, тахминий оғирлиги 30 кг. Унга коррупцияга муросасиз муносабатни шакллантиришнинг асосий қисми бўлиб, муаллифнинг матога “ KORRUPSIYA- TARAQQIYOT ZAVOLI ” НАЗАРОВ.Д., ўлчами 40*30 Тошкент 2023 йилги мойбўёқли расми тайёрланди. Коррупциянинг салбий оқибатлари рассом томонидан маҳорат билан очиб берилган”.

Плакатларнинг тавсифи

“Ушбу лойиҳа коррупцияга қарши курашда инновацион андроид қурилмаси ёрдамида тайёрланган. Тўпламда 5 та алоҳида бўлим мавжуд бўлиб, унда коррупция оқибатлари рамзлар орқали очиб берилади. Коррупция ҳолатларига қарши курашиш бўйича халқаро тажриба пухта ўрганилиб, аудио режимига ўрнатилди, фойдаланувчи QR код технологияси орқали тинглаши мумкин”.

Бу маҳсулотлар қандай қилиб коррупцияга қарши курашишда ёрдам беради

Бурундида ўтказилган лаборатория тажрибасида 527 та давлат хизматчисидан аноним фуқаролар ўртасида нормаланган ваучерларни тарқатиш сўралган; бунда фуқароларнинг баъзилари ўзларига тегишли бўлганидан кўра кўпроқ ваучер олиш учун давлат амалдорларига пора беришга ҳаракат қилган.

Давлат хизматчиларининг икки гуруҳи яхши бошқарув ғоясини ёки ҳалолликнинг профессионал қадриятларини тарғиб қилувчи қисқа хабарлар билан тасодифан таништирилган. Ушбу хабарларни олган давлат хизматчилари ҳеч қандай маълумотни олмаганларга қараганда адолатлироқ ҳаракат қилишган.

Ушбу тажрибада давлат хизматчиларига давлат хизмати билан боғлиқ бўлган адолат ва тенглик маънавий қадриятларини эслатиш уларни фуқаролар иштирокчиларига нисбатан тенг ва адолатли хулқ-атворни қабул қилишга ундаган.

“Умуман олганда, натижалар шуни кўрсатадики, касбий ўзига хослик ёки у билан боғлиқ қадриятлар ҳатто давлат хизмати кўпинча бузуқ, адолатсиз ва самарасиз деб қабул қилинадиган можародан кейинги жамиятларда ҳам ахлоқий хулқ-атворни кучайтириши мумкин. Бироқ, порахўрликка таъсир кўрсатмаслиги шуни кўрсатадики, фақат хабардорликни оширишнинг ўзи етарли бўлмаслиги мумкин ва қонунбузарликлар ҳақида хабар бериш механизмлари каби бир-бирини тўлдирувчи бошқа механизмларни кўриб чиқишга ундайди», – дейилади тадқиқотда.

Дана Опарина