“Ўзавтосаноат” Onix автомобилларини бўлиб-бўлиб тўлаш шарти билан харид қилишни таклиф этди: қайси ташкилотлар уларни сотиб олди

“Ўзавтосаноат” давлат ташкилотларига Chevrolet Onix автомобилларини 24 ойга бўлиб-бўлиб сотиб олишни таклиф қилди. Бир қатор оммавий ахборот воситалари ва блогерлар томонидан Ўзбекистон Адлия вазирлигига йўлланган хат эълон қилинди. Адлия вазирлиги Anhor.uz нашрига хатнинг ҳақиқийлигини тасдиқлади.

“Ўзавтосаноат”дан Солиқ қўмитасига ҳам 2024 йил 5 апрель санаси билан хат юборилган; Хатда тизимда ишлаётган ходимлар автомобиль нархининг 50 фоизини тўласа, қолганини 24 ой давомида бўлиб-бўлиб тўлаши мумкинлиги қайд этилган.

UzAuto Motors  компанияси 2022 йил 1 ноябрдан Chevrolet Onix учун шартномалар тузишни бошлади, ОАВ ва блогерлар эса бу модель “кутилганидек муваффақиятли бўлмагани”ни таъкидламоқда.

Таҳририят давлат харидлари порталидан фойдаланиб, қайси давлат ташкилотлари Chevrolet Onix автомобилларини сотиб олганини текширишга қарор қилди.

Шундай қилиб, 2024 йил 12 март куни Бахмал тумани молия бўлими томонидан 169 миллион сўмга Onix 3LT MT (black metallic) харид қилинган.

Яна бир ҳолатда, Chevrolet Onix  автомобилини 2024 йил 12 мартда Республика ихтисослаштирилган микрохирургия илмий-амалий тиббиёт марказининг Термиз филиалини сотиб олган. Бунда 196 миллион сўмга Onix Premier 1 Turbo AT (black metallic) харид қилинган.

Учинчи ҳолатда, 2024 йил 18 мартда Chevrolet Onix Республика ОИТСга қарши курашиш маркази томонидан сотиб олинган. 206 миллион сўмга Onix Premier 2 Turbo AT Plus (black metallic) харид қилинган.

Ўзбекистонда мансабдор шахслар хизмат автомобилларини белгиланган меъёрдан ортиқ харид қилаётгани ҳақида аввалроқ ёзган эдик.

Дана Опарина