27 ёшли Керолайн Левитт АҚШ тарихида энг ёш матбуот котиби бўлади

АҚШ президенти этиб сайланган Доналд Трамп Оқ уйнинг матбуот котиби лавозимига 27 ёшли Керолайн Левиттни тайинлаётганини эълон қилди. У АҚШ тарихида ушбу лавозимни эгаллаган энг ёш матбуот котиби бўлади.

Левитт Трампнинг 2024-йилги сайловолди кампаниясида унинг матбуот хизмати раҳбари бўлган ва энди бу тажрибасини Оқ уйнинг матбуот котиби сифатида давом эттиради. Шунингдек, у илгари ҳам Трампнинг президентлиги даврида матбуот хизматида ишлаган. 2019-йилда коллежни тугатгач, Левитт Оқ уй матбуот хизматида иш бошлаган ва ўша даврдаги матбуот котиби Кейли Макинанининг ёрдамчиси бўлган.

Левиттнинг сўзларига кўра, у Макинанининг брифингларга тайёргарлигида ёрдам берган ва оммавий ахборот воситаларининг нотўғри ёритмаларига қарши курашган. Трамп уни “ақлли ва қатъиятли” деб атаб, америка халқига холис хабарини етказишда муваффақият қозонишига ишонч билдирган.

Керолайн Левитт Ню-Гемпшир штатида туғилган ва Санкт-Анселм католик коллежида коммуникациялар ва сиёсатшунослик йўналишида таҳсил олган. У талабалик давридаёқ Фох Неwс телеканалида амалиёт ўтаган.