Афғонистонда аёллар билан аёллар гаплашиши тақиқланди

“Толибон” вазири Холид Ҳанафий аёлларга нафақат эркаклар, балки аёллар билан ҳам очиқ мулоқот қилишни тақиқлади, деб хабар беради BILD.

Бундан ташқари, вазир баёнотига кўра, вояга етган қизларга бошқа вояга етган қизларнинг овозини эшитиш тақиқланган. Шунинг учун аёллар ҳам бошқа аёллар олдида Қуръонни баланд овозда тиловат қилишдан сақланишлари керак.

BILD таъкидлаганидек, 2021 йил августида Афғонистонда Толибон ҳокимиятга келганидан сўнг, мамлакатда аёлларга таълим олиш, эркак ҳамроҳлигисиз саёҳат қилиш ва жамоат жойларида, айниқса эркаклар билан гаплашиш тақиқланган эди.

Уларга паркларга бориш, сузиш ва спорт билан шуғулланиш гўзаллик салонларига ҳам бориш тақиқланган.

Аёллар учун муассасалар ёпилди ва аёлларга нисбатан зўравонлик тўғрисидаги қонун бекор қилинди.

Аёллар кўпинча “ғайриисломий хатти-ҳаракатлар” учун жазоланади ва қамоққа ташланади.

Толибон бундан аввал ҳам аёлларнинг омма олдида чиқишларини тақиқлаган эди. Бунга жавобан, афғон аёллари қўшиқ айтишни бошладилар – норозилик белгиси сифатида қўшиқ айтиш ижтимоий тармоқларда трендга айланди.

Эслатиб ўтамиз, БМТ афғон аёлларига нисбатан барча чекловларни олиб ташлашни талаб қилган.