Алексей Навальнийнинг ўлими ҳақида нималар маълум

2024 йил 16 февраль куни Жазони ижро этиш федерал хизмати (ЖИЭФХ) Алексей Навальнийнинг ўлими ҳақида хабар берди:

«Алексей Навальний ўзини ёмон ҳис қилди – бу сайрдан кейин содир бўлди. У деярли дарҳол ҳушидан кетди. Воқеа жойига зудлик билан муассаса тиббиёт ходимлари етиб келди, тез ёрдам бригадаси чақирилди. Реанимация чоралари ёрдам бермади. Шифокорлар унинг ўлганини эълон қилишди. Сабаблари аниқланмоқда”, — дейилганди хабарда.

Шифокорлар ярим соатдан кўпроқ вақт давомида Навальнийни жонлантиришга ҳаракат қилишди. Бу ҳақда Ямал-Ненец автоном округида жойлашган Лабитнанги шаҳридаги касалхона маълум қилган. Бригаданинг ўзи, агентлик маълумотларига кўра, етти дақиқада колонияга етиб борган.

Навальнийнинг ўлими ҳақидаги кўп сонли хабарлардан сўнг, сиёсатчининг жамоаси бу ҳақда ҳеч қандай маълумот йўқлигини айтади.

ЖИЭФХ колонияга комиссия юборишини маълум қилди.

Навальнийнинг адвокати Леонид Соловьёв марҳумнинг яқинларининг қарорига кўра “Новая газета”га бу хабарни изоҳлашдан бош тортди: “Ҳозир аниқлаяпмиз. Чоршанба куни Алексейни адвокат бориб кўрганди. Ўшанда ҳаммаси яхши эди.»

Дмитрий Песков ўлим ҳақидаги хабарга ва сиёсатчида тромб узилгани ҳақидаги миш-мишларга шундай жавоб берди: “Билмайман, билмайман. Шифокорлар қандайдир тарзда аниқлашлари керак.»

НАТО бош котибининг айтишича, Навальнийнинг ўлими билан боғлиқ барча фактлар аниқланиши ва “Россия жиддий саволларга жавоб бериши керак”.

«Шубҳасиз, уни Путин ўлдирган» – Украина президенти Владимир Зеленский Навальнийнинг ўлими ҳақида шундай деди. Украина раҳбарининг сўзларини РБК-Украина” келтиради.

​Россия Ташқи ишлар вазирлиги матбуот котиби Мария Захарованинг айтишича, НАТО етакчиларининг Навальнийнинг ўлимига «дарҳол» муносабати “ўз-ўзини фош қилиш” деди.

“Ҳозирча суд-тиббиёт экспертизаси йўқ, бироқ Ғарбнинг хулосалари [сиёсатчининг ўлимида Россия расмийлари айбдор] аллақачон тайёр”, — деди Россия ТИВ расмий вакили.

Европа Иттифоқи Навальнийнинг ўлими учун фақат Россия расмийларини жавобгар деб ҳисоблайди. Бу ҳақда Европа кенгаши раҳбари Шарл Мишель маълум қилди.

Федерация Кенгаши Навальнийнинг ўлимини «бахтсиз ҳодиса» деб атади:

«Россияда Навальнийнинг соғлиғига қандайдир зарар етказиш учун ҳеч қандай сабаб йўқ эди, мутлақо йўқ», дея тушунтирди Халқаро ишлар қўмитаси раисининг ўринбосари Владимир Жабаров.

ИҲК аъзоси Ева Меркачёванинг сўзларига кўра, сиёсатчининг доимий “ШИЗО”да сақланиши Навальнийнинг ўлимига сабаб бўлган. Навальний 27 мартадан ортиқ “ШИЗО”га ташланган —сиёсатчи жами 300 кундан ортиқ жазо камерасида ўтирган. Тез орада нашр бу изоҳни ўчириб ташлади.

Сиёсатчи Борис Надеждин Навальнийнинг ўлими ҳақида: «Маълумотлар ҳақиқатга тўғри келмаслигини сўраб қоламан».

«Алексей мен Россияда таниган энг истеъдодли ва жасур одамлардан бири», – дея қўшимча қилади у Телеграм-каналидаги постида.

«Бизда қотилликдан бошқа версиялар йўқ», – дейди сиёсатшунос Екатерина Шульман Навальнийнинг ўлими ҳақида. Шульманнинг айтишича, у сешанба куни Навальнийнинг овозини аудиоёзувда эшитган – бу «соғлом, бақувват, толиқмаган одамнинг овози эди».

«Единая Россия» депутатлардан Навальнийнинг ўлимига изоҳ бермасликни сўради – «Агентлик»

Бу ҳақда нашр Агентликка манба тақдим этган буйруқ нусхасига асосланиб хабар беради.

Германия канцлери Олаф Шольц: «Навальний Россияга қайтиш жасорати учун ўлим билан тўлади«.

«Мен ҳамдардлик эшитишни хоҳламайман», – деди Алексей Навальнийнинг онаси Людмила Ивановна Навальная

Аёлнинг сўзларига кўра, у ўғлини 12 февраль куни колонияга ташриф буюрган чоғида кўрган.

«У тирик, соғлом, қувноқ эди», – дея қўшимча қилди у.

Навальнийни даволаган реаниматолог: «Улар Навальнийга қўймоқчи бўлаётган тромбоэмболия ташҳиси тўғри эмас».

2020 йилда Навальний заҳарланганидан кейин Москвадан Омск касалхонасига келган шифокорлар гуруҳида бўлган шифокор Александр Полупановнинг шарҳидан иқтибосни “Новая газета” келтиради.

“Оммавий ахборот воситаларида ёзилган ва Жазони ижро этиш федерал хизмати томонидан билдирилган Навальнийда тромб узилгани ва бу тромбоэмболия эканлигини тасдиқлаб бўлмайди, чунки бу касалликни аниқлаш учун интравитал манипуляция ўтказилмаган (бу ҳақда хабар берилмаган) ва мурдани ёриш ишлари ҳам ўтказилмаган. Ва улар у ўзини ёмон ҳис қилгани, тез ёрдам келгани ва улар тромб узилган деган хулосага келгани ҳақидаги хулосани фақат мурдани ёриш натижаларига асосланиб айтиш мумкин.

Юлия Навальнаянинг Мюнхен конференциясидаги мурожаати:

“Ҳукумат манбаларидан келаётган маълумотларга ишониш ёки ишонмасликни билмаймиз. Путин, унинг доираси ва ҳукумат мамлакатга, оилам ва эримга қилган ишлари учун жавоб беришларини билишларини истайман. Ва ўша кун жуда тез келади.»

Литвада Навальнийнинг ўлими ҳақидаги хабарлардан сўнг Мустақиллик байрами тантаналарида бир дақиқалик сукут эълон қилинди.

Сиёсатчининг жамоасидан Алексей Навальнийнинг ўлими ҳақида ҳали ҳеч қандай расмий тасдиқ йўқ. Сиёсатчининг вафот этган санаси аллақачон “Википедия” саҳифасида эълон қилинган.