Авария сабабли аннексия қилинган Қримнинг 50 мингдан ортиқ аҳолиси чироқсиз қолди

Юқори вольтли кичик станциядаги авариядан сўнг Керч ва унга яқин қишлоқлардаги 360 та кичик станция электр энергиясидан узилиб, 53 мингдан ортиқ одам электр энергиясиз қолди, дейилади Қрим Республикаси ёқилғи ва энергетика вазирининг биринчи ўринбосари Владимир Воронкиннинг Телеграм-каналида. .

Маҳаллий каналларнинг ёзишича, ёнғинлар деярли бир вақтнинг ўзида 450-блокда, Митридат тоғида, шунингдек, Осовини ва Бондаренково ​​қишлоқларида бошланган. Шундан сўнг электр билан авария содир бўлган. Кремлпараст Mash маълумотларига кўра, ёнғинларга диверсия сабабчи бўлиши мумкин.