Байден Трамп билан дебатлар ўтказишга тайёр

АҚШ президенти Жо Байден июнь ва сентябрь ойларида бўлиб ўтадиган президентлик сайловларида рақиби Дональд Трамп билан баҳс-мунозара ўтказишга тайёр. Бу ҳақда Байденнинг сайловолди штабидан келган хатга таяниб, The New York Times нашри ёзади.

Биринчи учрашув июнь ойининг охирида ўтказилиши режалаштирилган, чунки бу вақтга келиб Нью-Йоркда Трампга қарши бизнес ёзувларини сохталаштириш бўйича суд жараёни якунланиши керак ва Байден Еттилик (G7) гуруҳи мамлакатлари раҳбарларининг саммитидан қайтади.  Кейинги дебатлар сентябрь ойи бошида ташкил этилиши кутилмоқда.

Байденнинг ёрдамчилари дебатлар телестудияда бўлишига умид қилмоқда. Унда томошабинлар бўлмайди, фақат Байден, Трамп ва модератор. Бундан ташқари, микрофонлар томонлар гапиришни тугатганидан сўнг автомат равишда ўчиши керак.

Байденнинг штаби, шунингдек, июль ойининг охирида, Трамп сайловолди “пойга”сида ўз рақибининг номзоди аниқ бўлганидан сўнг ва улар АҚШ Республикачилар партиясининг қурултойида расман тасдиқланганидан кейин вице-президентлик баҳсларини ўтказишни таклиф қилди.