“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди

Буюк Британия бош вазири Кир Стармер бугун Бристолдаги маҳаллий BBC радиостанцияси тингловчиларининг саволларига жавоб берди, улардан бири мамлакат Россия билан уруш ҳолатида экани ёки йўқлиги ҳақида сўраган.

«Йўқ, биз уруш ҳолатида эмасмиз, аммо Украина ҳақиқатан ҳам уруш қиляпти, чунки Россия Украинага ҳужум қилди ва бу уруш аллақачон 1000 кундан ошди», — дея жавоб берган Стармер. «Бу Россиянинг 1000 кунлик босқини ва Украина учун 1000 кунлик қурбонлар, шу сабабли биз қатъий равишда Украинага қўллаб-қувватлаб келяпмиз. Биз Путинга бу урушда ғалаба қозонишига йўл қўя олмаймиз», — дея давом этади у.

Ғарб мамлакатлари ўзлари томонидан берилган қуролларнинг Россия томонидан эгаллаган ҳудудларга зарба бериш чегарасини юмшатишни муҳокама қила бошлаганидан бери, Россия уларнинг позициясига таъсир ўтказишга уриниб, бу уларни низонинг иштирокчиларига айлантиради, деган баёнотни беради.

Пайшанба куни, бу каби зарбалар биринчи марта берилганидан сўнг, Владимир Путин низо глобал характерга эга бўлди, дея маълум қилиб, НАТО мамлакатлари ҳудудларига зарба бериш билан таҳдид қилди. Бундан бир оз олдин Лондондаги Россия элчиси Буюк Британиянинг Sky News телеканалига берган интервьюсида Буюк Британия урушда тўғридан-тўғри иштирок этмоқда, чунки Storm Shadow ракеталарини ишлатиш учун Британия ҳарбийларининг иштироки зарур, дея таъкидлаган эди.