Boeing самолётларини етказиб бериш январь ойида 29% га тушиб кетди

Boeing  сешанба куни МАХ 9 фюзеляжининг бир қисми парвоз пайтида ажралиб тушгани ва регуляторлар, агентликлар ва мижозлар томонидан самолёт ишлаб чиқарувчисига босим ўтказилиши билан боғлиқ жанжал фонида январь ойида 27 та самолёт етказиб берганини маълум қилди, бу 2023 йилнинг шу ойига нисбатан 29 фоизга кам, деб ёзади Reuters.

Йилнинг биринчи ойида даромадли 737 МАХ моделини етказиб бериш 25 та самолётгача камайди, гарчи январь ва декабрь ойларида у 40 тадан ортиқни ташкил қилган бўлса-да. Одатда январь ойида етказиб бериш суръати пасайишига қарамасдан, бир йил аввал аэрокосмик гигант 38 та самолёт ва 35 МАХ лайнерни етказиб беришга муваффақ бўлган.