Дания Фаластинни давлат сифатида тан олишдан бош тортди
Дания парламенти Фаластинни давлат сифатида тан олиш тўғрисидаги қонун лойиҳасига қарши овоз берди, деб ёзади Reuters.
Қонун лойиҳаси февраль ойидаёқ тўртта сўл партия томонидан таклиф этилган эди. Уни муҳокама қилиш чоғида апрелда Дания ташқи ишлар вазири Ларс Локке Расмуссен Фаластин давлатини тан олиш учун “дастлабки шартлар йўқ”лигини айтганди. Бироқ овоз бериш куни Расмуссен парламент бу резолюцияни қўллаб-қувватлай олмаса-да, “биз буни амалга ошира оладиган кун келишини хоҳлаймиз” дея қўшиб қўйди.
10 май куни, БМТ Бош Ассамблеяси Фаластиннинг ташкилотга аъзолиги ҳақида резолютсия қабул қилгач, Расмуссен бу қарорни қўллаб-қувватлаганди.
22 май куни учта Европа мамлакати — Испания, Норвегия ва Ирландия Фаластинни давлат сифатида расман тан олишини эълон қилди. Бу қарор 28 май куни кучга кирди. Исроил бош вазири Биньямин Нетаньяху буни “терроризм учун берилган мукофот” деб атаб, ушбу мамлакатларда Исроил элчиларини чақириб олди.
Айни пайтда Фаластин давлат сифатида расман БМТга кирувчи 193 та мамлакатдан 143 таси томонидан тан олинган. Фаластин давлатини тан олмайдиганлар орасида АҚШ, Буюк Британия, Франция ва Германия бор.
If you have found a spelling error, please, notify us by selecting that text and pressing Ctrl+Enter.
Тавсиялар
Президент Бутунхитой халқ вакиллари кенгаши Доимий қўмитаси Раиси билан учрашди
Техникумларни муваффақиятли тамомлаган битирувчилар ОТМга 2-курсдан қабул қилинади
Россия ҚК Киевдаги болалар касалхонасига берган зарбаси — бу бино парчаларининг қулаши эмас, балки тўғридан-тўғри урилган нишон
Яна бир ЙТҲ содир бўлди. Энди жабрланувчи 10 ёшли қизалоқ
Аёллар колониясидаги 998 нафар маҳкумага тузалиш йўлига ўтган дея хулоса берилди
USD
EUR
RUB
Шарҳлар