Die Zeit: Россия ва Украина ўзаро имтиёзлар бўйича нодавлат музокаралар олиб бормоқда

Москва ва Киев мумкин бўлган ўзаро имтиёзларни аниқлаш бўйича оммавий бўлмаган музокаралар олиб бормоқда. Музокаралар сиёсий маслаҳатчилар даражасида олиб борилмоқда, деб ёзади Дие Зеит хабардор манбаларга таяниб.

Томонлар энергетика инфратузилмаси объектларига ўзаро ҳужумлардан сақланиш, асирларни алмашиш, ғалла битимини қайта тиклаш ва украиналик болаларни қайтариш, шунингдек, аннексия қилинган Қримнинг келажакдаги тақдирини муҳокама қилмоқда. Учрашувлар Киев, Давос, Копенгаген, Жидда ва бошқа шаҳарларда бўлиб ўтди. Уларда Г7 давлатлари ва Хитой вакиллари иштирок этди.

Манбаларга кўра, икки давлат ўртасида мумкин бўлган тинчлик музокаралари масаласи амалда ҳал бўлган, Москва ва Киев бундай мулоқот формати, жойи ва санасини муҳокама қилмоқда.