АҚШда энг яхши сериал ва актёрларга Emmy мукофотлари топширилди

АҚШнинг Лос-Анжелес шаҳрида Emmy мукофотларини топшириш бўйича 76-анъанавий маросим бўлиб ўтди, деб хабар бермоқда “Коммерсантъ”. “Энг яхши драматик сериал” йўналишида мукофотни “Сёгун” сериали қўлга киритди. У номинациялар сони (25) бўйича етакчилик қилди ва тўртта мукофотга лойиқ деб топилди.

Мукофотнинг бошқа ғолиблари қуйидагилар бўлди:

• Драма йўналишида энг яхши актриса — Анна Савай (“Сёгун”);
• Драма йўналишида энг яхши актёр — Хироюки Санада (“Сёгун”);
• Комедия йўналишидаги энг яхши сериал — “Ҳийлалар” (Hacks);
• Комедия йўналишида энг яхши актриса — Жин Смарт (“Ҳийлалар”);
• Комедия йўналишида энг яхши актёр — Жереми Аллен Уайт (“Айиқ” — Bear);
• Энг яхши мини-сериал — “Буғу боласи” (Baby Reindeer);
• Мини-сериалдаги энг яхши актриса ва актёр — Жоди Фостер (“Ҳақиқий детектив” — True Detective) ва Ричард Гедд (“Буғу боласи”).

Emmy мукофоти 1949 йилда таъсис этилган бўлиб, у Америка телевидениеси соҳасидаги ютуқлар учун топширилади. У учта ташкилот — Америка телевизион академияси, Америка миллий телевизион академияси ва Халқаро телевизион академияси томонидан тақдим этилади.