Эрдўған Зеленскийнинг тинчлик режасини қўллаб-қувватлашини ва қрим-татарлар манфаатларини ҳимоя қилишини билдирди
Туркия президенти Ражаб Тоййиб Эрдўған Анқара Украина президенти Владимир Зеленскийнинг 10 та банддан иборат тинчлик режасини принципли равишда қўллаб-қувватлашини маълум қилди, деб ёзади Anadolu агентлиги.
“Биз тинчликка эришиш учун аввалроқ Истанбулда бўлиб ўтган музокаралар жараёнини қайта бошлашга тайёрмиз”, — деди Эрдўған Украина — Жануби-Шарқий Европа саммити иштирокчиларига йўллаган видеомурожаатида.
Эрдўған, шунингдек, Туркия Украина мустақиллиги, суверенитети, хавфсизлиги ва ҳудудий яхлитлигини қўллаб-қувватлашини таъкидлади. Туркия президенти сўзларига кўра, Анқара қрим-татар халқи ҳуқуқ ва манфаатларини ҳимоя қилиш учун бор кучини ишга солмоқда.
Зеленскийнинг режаси Россия қўшинларининг Украина ҳудудидан олиб чиқилиши ва 1991 йилги чегараларнинг қайта тикланиши, шу жумладан, Россия босиб олган Қрим қайтарилишини кўзда тутади.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар