Европарламент Россия ичкарисига зарба беришга рухсат этиш чақириғи билдирилган резолюцияни қабул қилди

Европарламент депутатлари кўпчилик овоз билан Европа Иттифоқи (ЕИ) давлатларини Украина Қуролли Кучлари (УҚК) томонидан Россия ичкарисига зарба беришга қўйилган барча чекловларни бекор қилишга чақирувчи резолюцияни қабул қилди. Бу ҳақда РИА Новости хабар беради.

Қарор кўпчилик овоз билан қабул қилинган: 425 депутат ёқлаб чиққан, 131 депутат қарши, 63 депутат бетараф қолган. Шуни таъкидлаш керакки, Европа Парламентининг ташқи сиёсат масалалари бўйича қарорлари маслаҳат характерига эга ва Европа Иттифоқи институтлари ёки аъзо давлатлар учун мажбурий эмас.

“Европа парламенти аъзо давлатларни Россия ҳудудидаги қонуний ҳарбий нишонларга қарши Украинага етказиб берилган Ғарб қурол-яроғ тизимларидан фойдаланишга қўйилган чекловларни зудлик билан бекор қилишга чақиради, чунки бу Украинанинг халқаро ҳуқуқ ва қонунларга мувофиқ ўзини ҳимоя қилиш ҳуқуқини тўлиқ амалга оширишига тўсқинлик қилади. Украинани ҳимоясиз қолдиради”, дейилади ҳужжат матнида.

Шу билан бирга, депутатлар “ўқ-дорилар ва қурол-яроғларнинг етарли даражада таъминланмагани, шунингдек, улардан фойдаланиш бўйича чекловлар ҳозиргача қилинган саъй-ҳаракатларга путур етказиш билан таҳдид қилишини” таъкидладилар. Европарламент қўшимча ўқ-дорилар, жумладан, «Таурус» ракеталарини етказиб беришни талаб қилмоқда.

Шу билан бирга, депутатлар Россияга қарши санкцияларни кенгайтиришни давом эттириш, шунингдек, Киевга россияликларнинг музлатилган активларидан тушган даромадни қайтариш билан 50 миллиард евро миқдорида кредит ажратишни тезлаштиришга чақирди.