Forbes: Қримда “Ковровец” тралчи кемасининг йўқ қилиниши Керчь кўприги хавф остида эканини билдиради

Агар Украина қуролли кучлари аннексия қилинган Қримда Россиянинг “Ковровец” тралчисини чўктиришга муваффақ бўлган бўлса, бу Украинада 200 килограммлик каллакка эга ATACMS  ракеталари борлигини ва улар кузатувчилар тахмин қилганидан кўра аниқроқ эканлигини англатиши мумкин, деб ёзади Forbes ҳарбий шарҳловчиси Дэвид Акс.

Мақола муаллифининг сўзларига кўра, ATACMS  одатда қуруқликдаги зарбалар учун ишлатилади – улар кемаларни уриш учун етарлича аниқ ҳисобланмайди.

Бироқ, “Ковровец”нинг йўқ қилиниши бу фаразни рад этади. Шундан келиб чиқиб, нашр қуйидаги хулосаларга келади:

Севастополда лангарда турган Қора денгиз флотининг кемалари жиддий хавф остида. “Агар ATACMS  Севастополда рус ҳарбий кемалари томонидан йўқ қилинса, база россияликлар учун фойдали бўлиб қолишини тасаввур қилиш қийин”, – дейди Шотландиядаги Сент-Эндрюс университетининг стратегик тадқиқотлар профессори Филлипс О’Брайен.

Норвегиянинг Oslo Nuclear Project тадқиқотчиси Фабиан Хоффманннинг айтишича, Украина қуролли кучлари ATACMS  етадиган чегара доирасида жойлашган Керчь кўпригига катта эҳтимол билан зарба бера олади.

Россия ҳаво мудофааси ATACMS га қарши курашда етарлича самарали эмас. Португалиялик ҳарбий маслаҳатчи Нуно Феликс: “Россияликлар улар билан курашишга деярли қодир эмас”, дейди.

19 майга ўтар кечаси Украина қуролли кучлари Қримга ATACMS  ракеталари билан отди. Мудофаа вазирлиги тўққизта ракета уриб туширилгани ҳақида хабар берди. Украина Қуролли кучлари Бош штаби “Ковровец” мина ташувчи кемаси йўқ қилингани ҳақида хабар берди. ASTRA ва “Крымский ветер” телеграм каналлари Украина ҳарбийлари “Циклон” кичик ракета кемасини ҳам чўктиришга муваффақ бўлганини ёзишди, бироқ бу маълумотнинг расмий тасдиғи йўқ.