Грузия МСК президентни сайловлардаги электрон технологияларни обрўсизлантиришда айблади
Грузия Марказий сайлов комиссияси президент Саломе Зурабишвилини сайловлардаги электрон технологияларни обрўсизлантиришда айблади. Ушбу баёнот МСК сайтида эълон қилинган.
Марказий сайлов комиссияси вакилларининг айтишича, Саломе Зурабишвили сўнгги кунларда жамоатчиликни сайловлар сохталаштирилганига ишонтирмоқда. Жумладан, улар Зурабишвилининг интервьюсида сайловлар вақтида “каруселлар” ташкил этилгани ва фуқаро битта айди-карта ёрдамида 17 мартагача овоз бериши мумкинлиги ҳақидаги сўзларини келтириб ўтади.
Марказий сайлов комиссияси Зурабишвилининг сўзлари ёлғон ва асоссиз эканини даъво қилмоқда. Баёнотда Американинг PRO V&V аудиторлик компанияси вакилларининг сўзлари келтирилади, уларга кўра сайловларда овозларни электрон санаш қоидабузарликларсиз ишлаган.
Марказий сайлов комиссияси сайлов натижаларини танқид қилиш “ҳақиқатни инкор этиш ва жамоатчиликни чалғитишга уриниш” эканини айтди.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Федерацияси Бош прокурори Ўзбекистонга ташриф буюрди
Тошкентда қалбаки АҚШ долларларини сотаётган шахслар қўлга тушди
Россия ҳарбийлари Донецк вилоятида асирга олинган Украина аскарларини отиб ташлади
Рақобат қомитаси аҳолини биологик фаол қўшимчалардан эҳтиёт бўлишга чақирди
Президент Самарқанд вилоятини ҳар томонлама ривожлантириш бўйича йиғилиш ўтказди
USD
EUR
RUB
Шарҳлар