Грузияда «Коалициялар ўзгаришлар тарафдори» етакчиси қамоққа олинди
«Коалициялар ўзгаришлар тарафдори» офиси олдида тўқнашув содир бўлди. Ҳуқуқ-тартибот органларининг ходимлари коалиция раҳбари Ника Гварамияни, эҳтимол ҳушсиз ҳолатда, қамоққа олишди. Бир неча куч тузилмалари ходими уни машина олдига кўтариб олиб келишди, ичкарига итариб киритиб олиб кетишди.
«Коалициялар ўзгаришлар тарафдори» офиси олдида ниқобли ва қора формали ҳуқуқ-тартибот органлари ходимлари сафарбар этилган.
Грузия Ички ишлар вазирлиги вакиллари «Ягона миллий ҳаракат» ва «Коалициялар ўзгаришлар тарафдори» мухолиф партиялари офисларига тинтувлар ўтказиш учун келишган.
«Полиция ходимлари бир нечта партия ва нодавлат ташкилотларнинг офисларида тинтув ўтказмоқда. Бу мухолифатни қўрқитишга уринишдир,» – дейди журналистларга «Коалициялар ўзгаришлар тарафдори» етакчиларидан бири Ника Мелия.
Унинг сўзларига кўра, ҳукуматнинг бундай ҳаракатлари Грузияда норозилик намойишларининг кенгайишига олиб келади.
Грузия Ички ишлар вазирлиги ҳозирча расмий изоҳ бермади.
Грузия президенти Саломе Зурабишвили 2024 йилда мухолифатдаги «Мтавари архи» телеканалининг бош директори ва ҳукмрон партия ҳамда ҳукуматнинг энг муросасиз танқидчиларидан бири Ника Гварамияни афв этганди.
If you have found a spelling error, please, notify us by selecting that text and pressing Ctrl+Enter.
Тавсиялар
Ўзбекистоннинг қатор расмийлари янги лавозимларга тайинланди
Германия Грузиянинг ҳозирги ҳукумати билан ҳамкорликни тўхтатмоқда
Украинада рус қўшинларига қўмондонлик қилаётган генерал гагаузиялик экани маълум бўлди
Қирғизистон ва Тожикистон давлат чегарасининг қолган қисмларини белгилаб бўлишди
Россияда "Крокус Сити Холл"даги терактда гумон қилинаётган яна тўрт киши ҳибсга олинди
USD
EUR
RUB
Шарҳлар