Халқаро жиноий суд прокурори Мьянма ҳарбий етакчисини қамоққа олиш учун ордер олишга ҳаракат қилаётганини эълон қилди

Халқаро жиноий суд прокурори Мьянмадаги рохинжа халқини таъқиб этганлиги сабабли мамлакат ҳарбий етакчисини қамоққа олиш учун ордер олишга ҳаракат қилаётганини маълум қилди.

Баёнотда Халқаро жиноий суд (ХЖС) бош прокурори Карим Хон офиси «кенг, мустақил ва ҳеч қандай томонга мойил бӯлмаган» текширувлар ўтказганлиги ва Мьянма қуролли кучлар бошлиғи Мин Аун Хлайн Мьянма ва Бангладешда рохинжа халқини сиқиб чиқариш ва таъқиб этганлик учун жиноий жавобгарлик тортилиши мумкин деган хулосага келганлиги айтилади.

Ишни уч ҳакамдан иборат коллегия кӯриб чиқиши керак. Кӯриб чиқиш муддатлари белгиланмаган, аммо одатда қарор қабул қилишга тахминан уч ой вақт кетади, деб ёзади Reuters.

2017 йилда 700 мингдан ортиқ рохинжа (улар мамлакатдаги мусулмон аҳолининг озчилиги) Ракхайн штатидаги ўз уйларини тарк этишга ва Бангладешга қочишга мажбур бӯлган. Бу БМТ терговчилари томонидан «геноцидал ниятлар» билан ўтказилган деб айтилган ҳарбий операция натижасида содир бӯлган. Мьянманинг буддист аксарияти рохинджа геноцидида айбловларни инкор этади ва аҳоли таъқиб этилмаслиги, ҳарбий амалиётлар фақат террорчиларга қарши ўтказилётганлигини таъкидлаб келмоқда.