Хиллари Клинтон Трампнинг сайловчиларини Путин учун овоз бераётганлар деб атади

Америкадаги президентлик сайловларида Дональд Трампга овоз бериш Россия президенти Владимир Путинни қўллаб-қувватлаш демакдир, – деди АҚШнинг собиқ давлат котиби Хиллари Клинтон Х ижтимоий тармоғида (собиқ Twitter).

«Бу ҳар куни аниқ бўлиб бормоқда: Трамп учун овоз бериш – бу Путин жамоаси учун овоздир», – деб ёзади у.

Клинтон Венгрия бош вазири Виктор Орбаннинг Трамп сайловда ғалаба қозонса, Россия билан зиддиятда Украинани молиялаштирмайди, деган баёнотига шундай изоҳ берди. “У Украина-Россия уруши учун бир тийин ҳам бермайди. Айнан шунинг учун уруш тугайди”, – деганди Орбан Флоридада Трамп билан учрашувидан кейин.