ИҲК аъзоси Ева Меркачёва Навальнийнинг доимий равишда “ШИЗО”га ташланиши унинг ўлимига олиб келганини билдирди

Инсон ҳуқуқлари кенгаши (ИҲК)нинг аъзоси Ева Меркачёванинг айтишича, Навальнийнинг ўлими сиёсатчининг мунтазам равишда “ШИЗО”га ташланиши сабаб бўлган.

Ҳуқуқ ҳимоячиси ва Инсон ҳуқуқлари кенгаши аъзосининг шарҳини MSK1 нашри чоп этди.

««ШИЗО» – жуда қийин яшаш шароитини билдиради <…> У ерда одам кўпинча қаттиқ совуқ қотади, кўпинча оч қолади. Шунинг учун уни муайян суткадан ортиқ муддатга тайинлашни тақиқловчи қатъий талаблар ўрнатилган. Аммо “ШИЗО”даги хоналар сони бўйича ҳеч қандай чекловлар йўқ эди. Яъни, бир муддат тугайди, одам отрядга жойлаштирилади ва у дарҳол янги комиссияга чақирилади, унда янги қоидабузарлик борлигини айтишади ва ўша куни уни жазо камерасига қайтариб юборишади. Мана шуниси даҳшат, биласизми? ” – дея иқтибос келтиради унинг сўзларидан нашр.

Навальний 27 мартадан ортиқ “ШИЗО”га ташланган – сиёсатчи жами 300 кундан ортиқ вақтни жазо камерасида ўтказган.