Украина Россия иштирокидаги иккинчи тинчлик саммитини АҚШдаги сайловгача ўтказмоқчи
Украина ҳукумати АҚШда президент сайловлари бўлиб ўтадиган ноябрь ойигача тинчлик бўйича иккинчи жаҳон саммитини ташкиллаштирмоқчи. Бу ҳақда Bloomberg ўз манбаларига таяниб ёзмоқда. Уларнинг сўзларига кўра, бу сафар Украина Россия делегациясини таклиф қилишни режалаштирмоқда.
Ғарб мамлакатларидан аноним мансабдорлар қайд этишича, бундай тадбир жуда “аниқ-равшан мақсад ва кутилмалар” билан ташкил қилиниши керак. Шу билан бирга, америкалик расмий шахсларнинг баъзилари Россия ва Украина иштирокида саммит ташкил қилиш имкониятига шубҳа билан қараган.
Саммитни АҚШдаги президент сайловигача ўтказиш зарурияти Дональд Трампнинг эҳтимолий ғалабаси билан боғлиқ. АҚШ собиқ президенти сайловда ғолиб бўлган тақдирда, Украинадаги низони 24 соат ичида тугатишга ваъда берган. ОАВлар ёзганидек, у Украина Россия билан музокаралардан бош тортса, унга ҳарбий ёрдамни тўхтатиб қўйиш билан таҳдид қилишни режалаштирган.
Тинчлик бўйича биринчи саммит 15—16 июнь кунлари Швейцариянинг Бюргеншток шаҳрида бўлиб ўтган, унга Россия таклиф этилмаган эди.
If you have found a spelling error, please, notify us by selecting that text and pressing Ctrl+Enter.
Тавсиялар
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
АҚШ санкцияларидан кейин Россия давлат банкларида Хитойнинг UnionPay карталари билан муаммолар бошланди
USD
EUR
RUB
Шарҳлар