Эрон президентининг вертолёти қулаган жойдан олинган илк тасвирлар эълон қилинди
Эроннинг Mehr давлат ахборот агентлиги мамлакат президенти Иброҳим Раисийнинг вертолёти қулаган жойдан фотосурат эълон қилди.
Суратда ҳалокатга учраган транспорт воситасининг бир қисмини кўриш мумкин, унинг ёнида эса қидирув гуруҳи аъзолари турибди.
Шунингдек, ISNA агентлиги вертолёт қулаган жойдан видеотасвирни эълон қилди. Унда Эрон президентининг вертолёти қулаган тахминий жойни кўриш мумкин, бу ерлар тепаликлардан иборат.
Бортида Эрон президенти бўлган вертолёт 19 май куни кечқурун Эроннинг шимоли-ғарбидаги баландликлар билан қопланган ҳудудида ҳалокатга учради. Вертолётда Раисий билан бирга ташқи ишлар вазири Ҳусайн Амир Абдуллоҳиён, Табриз шаҳар масжиди имоми оятуллоҳ Муҳаммад Али Ал-э-Ҳошим, Шарқий Озарбайжон вилояти раҳбари Малик Раҳматий ҳам бўлган. Делегация Озарбайжондан қайтиб келаётган эди.
20 май куни эрталаб вертолёт қулаган жой аниқланди, Mehr агентлиги Раисий ва унга ҳамроҳлик қилган сиёсатчиларнинг барчаси ҳалок бўлганини маълум қилди.
If you have found a spelling error, please, notify us by selecting that text and pressing Ctrl+Enter.
Тавсиялар
Миллий малака тизимини ривожлантириш институти ташкил этилади
Германияда рақамлаштирилган “Шиндлер рўйхати” чоп этилди
Босния ва Герцеговинада сув тошқинлари ва ер кўчишлари камида 16 кишининг ҳаётига зомин бўлди
Al Arabiya: “Ҳизбуллоҳ”нинг янги етакчиси Хошим Сафиеддин Исроил зарбаси натижасида ҳалок бўлди
"Союзмультфильм"нинг бош муҳаррири Татьяна Папорова вафот этди
USD
EUR
RUB
Шарҳлар