Ҳиндистонда аёллар соқолли эркакларга қарши намойишга чиқди

Ҳиндистоннинг Мадхя-Прадеш штатидаги университетлардан бирида таҳсил олаётган аёллар ўпиш пайтида юз берадиган тери тирнаш хусусияти туфайли соқол қўйган эркакларга қарши норозилик намойиши ўтказди, деб хабар беради Казинформ агентлиги “The Independent” нашрига таяниб.

Иштирокчилар сохта соқол қўйиб, қўлларига “қиринмаган-севмаймиз” ёзуви ёзилган плакатларни кўтариб, Индор кўчалари бўйлаб юришди.

Соқоллар маданий илдизларга эга ва анъанавий равишда куч ва донолик рамзи ҳисобланса-да, улар контакт дерматит каби тери муаммоларига ҳам олиб келиши мумкин.

Нашрнинг қайд этишича, ўткинчилар акцияни табассум билан кузатиб, намойишчиларни видеога олишган.