Қирғизистон президенти 20-21 февраль кунлари Россияга ташриф буюради
Қирғизистон президенти Садир Жапаров Россия президенти Владимир Путиннинг таклифи билан 20—21 февраль кунлари Қозон шаҳрига ташриф буюради. Жапаров “Келажак ўйинлари” спорт мусобақаси очилиш маросимида қатнашади. Бу ҳақда Қирғизистон президенти маъмуриятининг ташқи сиёсат бўлими мудири Муратбек Азимбакиев маълум қилди.
Унинг сўзларига кўра, тадбирда бошқа чет давлатлар раҳбарлари, шунингдек, “атоқли халқаро ва жамоатчилик арбоблари, йирик IТ-компаниялар раҳбарлари” қатнашиши кутилмоқда. Гап ким ҳақида кетаётганига аниқлик киритилмади.
Сафар доирасида Жапаров Россия президенти Владимир Путин, шунингдек, Татаристон раҳбари Рустам Минниханов билан учрашади. Улар икки томонлама ҳамкорликни, шу жумладан, савдо-иқтисодий, маданий-гуманитар ва инвестиция соҳаларидаги ҳамкорликни муҳокама қилиши режалаштирилмоқда.
Ўтган сафар Россия ва Қирғизистон президентлари 2023 йил декабрида Евросиё иқтисодий иттифоқи саммити доирасида ва МДҲ раҳбарлари норасмий учрашувида кўришганди. Иккала тадбир ҳам Санкт-Петербургда бўлиб ўтганди.
If you have found a spelling error, please, notify us by selecting that text and pressing Ctrl+Enter.
Тавсиялар
Ўзбекистон Президенти Туркий давлатлар ташкилотининг норасмий саммитида иштирок этди
Тошкент шаҳар прокуратураси катта прокурори аралашган жиноят фош бўди
7 июль куни айрим ҳудудларида ёмғир ёғиши кутилмоқда
Ўзганинг хонадонини мерос сифатида расмийлаштириб олган шахслар ушланди
"Ижтимоий ҳимоя ягона реестри"га кимлар киритилади
USD
EUR
RUB
Шарҳлар