Қирғизистон Салимбойни қидирувга берди

Қирғизистон Давлат миллий хавфсизлик қўмитаси  (ДМXҚ) марҳум жиноятчи Қамчи Кўлбоевнинг уюшган жиноий гуруҳини молиялашда гумон қилинган ўзбекистонлик тадбиркор Салим Абдувалиевни қидирувга берди. Махсус хизмат маълумотларига кўра, Абдувалиев “Салимбай Байбача” номи билан танилган Ўзбекистон жиноят оламининг етакчиси бўлган.

Шу билан бирга, бошқарма Абдувалиевнинг Ўзбекистонда судланганини эслатиб ўтади. Оммавий ахборот воситаларида тадбиркор ва Ўзбекистон МОҚ раҳбари Абдувалиевнинг 2023 йил декабрида ҳибсга олингани батафсил ёритилган. Жорий йилнинг март ойида у суд қарори билан қурол-яроғ ноқонуний савдосида айбланиб, умумий режимдаги колонияда олти йилга озодликдан маҳрум этилган, бироқ “контрабанда” моддаси бўйича жиноий жавобгарликдан озод қилинган эди.

Қирғизистон ДМXҚ Абдувалиевга қарши қурол савдосидан ҳам жиддийроқ даъволарни илгари сурмоқда.

“Абдувалиев Ўзбекистон Республикаси ҳудудида жиноий тузилмаларнинг етакчиси бўлган, шунингдек, МДҲ давлатларида бевосита таъсирга эга бўлиб, гиёҳвандлик воситаларини Европа давлатларига олиб ўтиш бўйича ноқонуний каналларни ташкил этиш учун “қонундаги ўғри” Қамчибек Асанбек билан алоқа ўрнатган ва унга тизимли равишда моддий ёрдам кўрсатган ”, — дейилади департамент хабарида.

ДМXҚ ўзбек тадбиркори ва криминал бошлиғи Кўлбоевнинг Қирғизистон жиноий оламининг етакчисига айланишига, шунингдек, унинг Марказий Осиёнинг бошқа мамлакатларидаги таъсирига ҳисса қўшган, деб ҳисоблайди. Кўлбоевни молиялаш орқали, масус хизмат маълумотларига кўра, Абдувалиев “ўзининг ғаразли мақсадларини кўзлаган” ва ўз таъсир доирасини кенгайтирган.

Бишкекнинг Октябрь туман суди Ўзбекистонда муқаддам судланган Абдувалиевга нисбатан қамоққа олиш тарзидаги эҳтиёт чорасини сиртдан танлади ва у “Интерпол” қидирувига ҳам эълон қилинди.