Испанияга “Нельсон” довули келди

Қурбонлар табиий офатга пляжда ва балиқчилар портида дуч келган. Сёрфингчилардан бирини сувдан вертолёт ёрдамида қутқариб олишга муваффақ бўлинди.

Испаниянинг катта қисмини қамраб олган Нельсон довули камида тўрт кишининг ҳаётига зомин бўлган.

Бир кун аввал Каталония жанубидаги Таррагона шаҳрида икки киши — 16 ёшли ўсмир ва уни қутқариш учун сувга сакраган германиялик 32 ёшли сайёҳ чўкиб кетган.

Мамлакат шимолидаги Астурия шаҳрида табиий офат авж олган пайтда тўлқинлар 8 метрга етган, икки киши қурбон бўлган.

Фавқулодда хизматлар вертолёти жума куни Кантабриядаги сёрфингчини қутқарган.

Кўпгина ҳудудлар кучли шамол, қулаган дарахтлар ва ювилган йўллар туфайли ҳафта охиригача зарғалдоқ рангли огоҳлантириш остида қолмоқда.

2011 йилдан бери биринчи марта ёмон об-ҳаво туфайли Пасха ҳафтасининг кульминацияси бўлган олтита тунги юриш бекор қилинди.