Истанбулдаги католик черковига ҳужумда Тожикистон ва Россия фуқаролари гумон қилинмоқда
Истанбулдаги католик черковига ҳужум қилишда гумонланаётган икки киши қўлга олинди, бу ҳақда Туркия ички ишлар вазири Али Ерликая маълум қилди.
Унинг сўзларига кўра, гумонланувчилар Тожикистон ва Россия фуқароларидир; улар ИШИДга алоқадор деб тахмин қилинмоқда. Аввалроқ ИШИД ҳужум учун жавобгарликни ўз зиммасига олганди.
Ерликая хабар беришича, полиция ходимлари 30 та манзил бўйича тафтиш ўтказган, ҳужумга алоқадорликда гумонланиб жами 47 киши қўлга олинган.
Эслатиб ўтамиз, 28 январь, якшанба куни ибодат вақтида Истанбулнинг Сариер туманида жойлашган Авлиё Мария католик черковига ниқоб кийган икки киши ҳужум қилди. Улар ўт очиб, сўнг воқеа жойидан қочиб кетди. Турсун Жиҳан исмли Туркия фуқароси ҳалок бўлди.
Истанбул губернатори Давут Гул ва Туркия президенти Ражаб Тоййиб Эрдўғон ҳодиса юзасидан ҳамдардлик билдирди. Рим папаси Франциск ҳужумни қоралаб чиқди. Истанбул лотин-католик жамияти епископи Массимилиано Палинуро шаҳар маъмуриятини адолатни тиклаб, ҳодиса бўйича ҳақиқатни суриштириш ва фош қилишга чақирди.
If you have found a spelling error, please, notify us by selecting that text and pressing Ctrl+Enter.
Тавсиялар
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
АҚШ санкцияларидан кейин Россия давлат банкларида Хитойнинг UnionPay карталари билан муаммолар бошланди
USD
EUR
RUB
Шарҳлар