Макрон Франция ҳукумати истеъфосини қабул қилди
Франция президенти Эммануэль Макрон 16 июль куни ҳукумат раҳбари Габриэль Атталь ва унинг вазирлар маҳкамасининг истеъфосини қабул қилди, деб ёзади DW. Бироқ янги вазирлар маҳкамаси тайинлангунига қадар, ҳозирги ҳукумат ўз ишини давом эттиради.
“Бу давр иложи борича тезроқ тугаши учун, республика сиёсий кучлари қўлни-қўлга бериб ишлаши ҳамда француз халқи манфаатларига тўғри келадиган лойиҳалар ва ечимлар атрофида ягона фронт яратиши керак”, — дейилади Елисей саройи баёнотида.
Франция бош вазири Атталь парламент сайлови натижалари маълум бўлганидан кейин кўп ўтмай, 8 июль куниёқ истеъфо ҳақида ариза берган эди. Ўшанда президент Макроннинг марказчилар блоки иккинчи ўринни эгаллаб, Миллий мажлисда кўпчилик ўринни қўлдан бой берган эди. Аммо Франция президенти Атталнинг аризасини рад этган эди.
Сайловда “Янги халқ фронти” сўл коалицияси биринчи ўринни эгаллади ва 182 та депутатлик мандатини қўлга киритди.
If you have found a spelling error, please, notify us by selecting that text and pressing Ctrl+Enter.
Тавсиялар
“Чегара билмас шифокорлар” Россияда ўз фаолиятини тўхтатмоқда
Трампга суиқасд: айбланувчи судда ҳозир бўлди
Коррупцияга қарши курашиш агентлиги: шахсий маълумотлар ҳақидаги модда бизнесга эга амалдорларнинг исмларини ошкор қилиш имконини бермайди
Ўзбекистонда озиқ-овқат секторини оптималлаштириш ва деградацияга учраган ерларни тиклаш бўйича комплекс дастур ишга туширилди
Тошкент шаҳар ҳокимлиги шаҳарликлар билан тескари алоқани йўлга қўйиш учун қулай Telegram-ботни ишга туширди
USD
EUR
RUB
Шарҳлар