“Яндекс.Хариталар” Россия ҳарбий аэродромларининг сунъий йўлдошдан олинган суратларини хиралаштира бошлади

“Яндекс. Хариталар” Россиянинг турли ҳудудларидаги камида ўнта ҳарбий аэродромнинг сунъий йўлдош тасвирларини хиралаштирган, деб ёзади “Медиазона”. Уларнинг орасида Рязандаги Дягилево аэродроми ва Воронеж областидаги Борисоглебск аэродроми турли вақтларда дронлар ҳужумига учраган.

Бундан ташқари, фуқаро авиацияси ва Россия мудофаа вазирлиги биргаликда фойдаланаётган баъзи аэропортларнинг сунъий йўлдош тасвирлари ҳам Yandex хариталарида хиралаштирилган.

Нашрнинг эслатишича, Z-блогерлар аввалроқ “Яндекс.Хариталар” Россия ҳарбий объектларининг сунъий йўлдош тасвирларини яширмаслигидан шикоят қилганди.