Эрон махсус кучлари Ҳормуз бўғозида исроиллик миллиардерга тегишли контейнер ташувчи кемани қўлга олди
Эрон махсус кучлари Ҳормуз бўғозида исроиллик миллиардерга тегишли контейнер ташувчи кемани қўлга олди. MSC Aries кемаси БААдан Ҳиндистонга Португалия байроғи остида сузиб кетаётган эди. Қўлга олинганидан сўнг, танкер Эрон ҳудудий сувларига йўл олган.
Associated Press хабарига кўра, MSC Aries контейнер ташувчи кемаси исроиллик миллиардер Эял Офернинг Zodiac Group таркибига кирувчи Лондоннинг Zodiac Maritime компанияси билан боғланган.
Исроил, Португалия ва Zodiac Group расмийлари ҳозирча вазиятга изоҳ бермаган.
Қайд этамиз, Исроил 1 апрель куни Эроннинг Суриядаги консуллигига ҳужум қилди, натижада бир нечта юқори мартабали ислом инқилоби қўриқчилари корпуси (ИИҚК)нинг зобити ҳалок бўлди. Теҳрон бу ҳаракатларга жавоб қайтаришга ваъда берди. The Wall Street Journal нашри манбаларга таянган ҳолда Исроил жума ёки шанба куни Эрон ҳужумини кутаётганини ёзганди.
Тахминларга кўра, Теҳрон Исроил ҳудудини баллистик ракеталар билан ўққа тута олади. Шу билан бирга, Axios маълумотларига кўра, Эрон Қўшма Штатларга кескинлашувни истамаслигини ва жавоб ҳаракатлари “чекланган” бўлишини билдирган.
If you have found a spelling error, please, notify us by selecting that text and pressing Ctrl+Enter.
Тавсиялар
Президентга спорт соҳасида амалга оширилаётган ишлар ҳақида маълумот берилди
“Адолат” СДП: Терговдаги шахс ички ишлар биносида вафот этса, ҳолат ошкора тергов қилиниб, айбдор жазоланиши лозим
USAID Ўзбекистонда таълимни қўллаб-қувватлашга қўшимча 6,1 млн доллар инвестиция қилмоқда
Ўзбекистонда самокатлар ва велосипедларда ҳаракат хавфсизлиги қоидаларини бузувчи фуқаролар жаримага тортилади
Wildberries офиси ёнидаги отишма иши бўйича “Ахмат” бўлинмаси командирининг ўринбосари ҳибсга олинди
USD
EUR
RUB
Шарҳлар