Эстония Россияни ҳаво ҳудудидан фойдаланиш бўйича халқаро қоидаларни бузганликда айблади

Эстония Россияни GPS сигналларига аралашиш учун халқаро ҳаво ҳудуди қоидаларини бузганликда айблади. Ташқи ишлар вазири Маргус Цахкна бу масалани мамлакатнинг НАТО ва Европа Иттифоқидаги ҳамкорлари билан муҳокама қилиш ниятида эканини айтди.

Finnair компанияси GPS тизимидаги муаммолар туфайли Тартуга парвозларни бир ойга вақтинчалик тўхтатиб қўйганини эълон қилди, бу эса икки самолётнинг қўнишига тўсқинлик қилди.

“Россия Федерациясининг GPS тизимига аралашуви минтақамиздаги фуқаро авиациясига таъсир кўрсатди. Шундай қилиб, Россия халқаро қоидаларни бузмоқда”, – дейди Маргус Цаҳкна Х ижтимоий тармоғида.

У бу айбловни тасдиқловчи аниқ далилларни келтирмади. Ҳозирча на Кремль, на Россия Мудофаа вазирлиги бу вазиятга изоҳ бермаган.