Карл III унга саратон ташхиси қўйилганидан кейин биринчи марта омма олдида кўриниш берди
Буюк Британия қироли Карл III унга саратон ташхиси қўйилганидан кейин биринчи марта омма олдида кўриниш берди, деб хабар қилади Sky News телеканали.
Қирол Норфолк графлигида авлиё Мария Магдалина черковига келган вақтида тўпланганларга қарата қўл силкитиб қўйди. Унга қиролича Камилла ҳамроҳлик қилди. Қирол қўлида соябон билан юриб, вақти-вақти билан ундан ҳасса сифатида фойдаланди.
75 ёшли Карл III да саратон аниқлангани ҳақида Букингем саройи 5 февраль куни маълум қилганди. Касалликнинг турига аниқлик киритилмади. Аммо мамлакат бош вазири Риши Сунак ташхис илк босқичда қўйилганини айтди.
Эртаси куни — 6 февралда монарх билан учрашиш учун Британияга унинг кенжа ўғли шаҳзода Гарри учиб келди. У 2020 йилда рафиқаси Меган Маркл билан қироллик ваколатларидан ўзини соқит қилиб, АҚШга кўчиб кетганди.
8 февраль куни эса қиролича Камилла турмуш ўртоғи даволаниш курсини бошлаганини ва ўзини жуда яхши ҳис қилаётганини билдирди.
Карл III 2022 йил сентябрида онаси Елизавета II нинг ўлимидан кейин тахтга ўтирган эди.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар