Кетма-кет 13 ой сайёрамизда рекорд юқори ҳарорат ҳукмронлик қилмоқда

Сайёрамизда кетма-кет 13 ой давомида рекорд даражадаги юқори ҳарорат кузатилмоқда. Бу ҳақда Copernicus Европа иқлим хизмати ҳисоботида айтилади. Июнь ўта иссиқ бўлиб, 12 ойлик серияни тўлдирди. Дунё саноатдан олдинги давр ҳароратидан 1,5 даража иссиқроқ бўлди.

“Бу Париж келишувида белгиланган чегарага яқинлашаётганимиз ва глобал ҳарорат тез суръатлар билан кўтарилишда давом этаётгани ҳақида жиддий огоҳлантиришдир, – дейди Copernicus катта иқлимшуноси Николас Жульен Евроньюс телеканалига берган интервьюсида.

1,5 даража белгиси муҳим аҳамиятга эга, чунки бу 2015 йилда Париж иқлим конференциясида дунёнинг деярли ҳар бир мамлакати келишилган рухсат этилган исиш чегарасидир. Ваҳоланки, олимларнинг айтишича, иссиқлик 20-30 йил давом этганида, бу чегарадан ўтиш мумкин.

Мутахассисларнинг таъкидлашича, Ерда бир йилдан ортиқ давом этган рекорд даражадаги иссиқлик тўлқини тез орада тугаши мумкин, аммо у яратган иқлим бетартиблиги ўз-ўзидан йўқолмайди.