Кринки УҚК назорати остида

Одесса область ҳарбий маъмурияти (ОҲМ) вакилининг сўзларига кўра, Россия қуролли кучлари (РҚК) Херсон областидаги Днепрнинг чап қирғоғига ҳужум қилишда давом этмоқда, аммо улар муваффақиятсиз якунланмоқда. Кўп нарса об-ҳаво шароитларига ҳам боғлиқ.

Украина ҳимоячилари Днепрнинг чап қирғоғида, Херсон областида плацдармни ушлаб туришда давом этмоқда, душман эса ҳужум қилишга уринмоқда. Одесса ОҲМ вакили, шунингдек, Украина “Юг” кўнгиллилар армиясининг спикери Сергей Братчук бу борадаги тафсилотларни “Еспресо.TV” эфирида маълум қилди.

Унинг сўзларига кўра, душман Украина позицияларини ўз назоратига олиш ва шу орқали у ердан Украина қуролли кучлари жангчиларини ҳайдаб чиқаришга уринишлардан воз кечмаяпти. Шу билан бирга, оккупантлар бу йўналишда муваффақиятга эриша олмаяпти.

“Россияликлар ҳар куни Кринкига таркиби кичик бўлган ҳужум гуруҳларини юборишга ҳаракат қилмоқда. Кун давомида 4 та шундай ҳужум содир бўлди, ҳозирча об-ҳаво ҳар икки томонда ҳам дронлардан фойдаланишга таъсир қилмоқда. Дронлардан фойдаланиш ушбу плацдармларда бизнинг устунлигимиздир, аммо денгиз пиёдаларимизнинг жасорати унинг асоси ҳисобланади. Батареяга қарши курашиш давом этмоқда. Артиллерия шу қадар кучли ишлаяптики, радиосўзлашувлар ушланганида душман бизнинг артиллериямиз ишидан инграётганини эшитиш мумкин, улар бизнинг дронларимиздан ҳам нафратланади”, — дейди Сергей Братчук.

Алоҳида таъкидланишича, россиялик десантчиларга Кринки аҳоли пунктини украиналик ҳарбийлардан “тозалаш” вазифаси юкланган, аммо улар бунинг уддасидан чиқмаяпти. Бундан ташқари, душман у ерда техникадан умуман фойдаланмаяпти.