“Манчестер Юнайтед” мураббий Алекс Фергюсонга тўловларни тўхтатмоқда

Англиянинг «Манчестер Юнайтед» клуби собиқ бош мураббийи Алекс Фергюсон яқин вақт ичида жамоадан тўловларни олишни тўхтатади. Бу қарор клубнинг ҳамэгаси Ineos  томонидан бошланган харажатларни қисқартириш бўйича янги стратегиянинг бир қисми эди.

2013 йилда бош мураббий сифатида кетганидан бери Фергюсон «Манчестер Юнайтед»да халқаро элчи ва ижрочи бўлмаган директор сифатида қолиб, йиллик маош оларди. 2014 йилда пайдо бўлган маълумотларга кўра, у 2013 йил 17 октябрда тахминан 2,82 миллион долларлик шартнома имзолаган. Бу унинг клуб билан элчи сифатида келишуви ҳақидаги ягона расмий эслатма эди.

ОАВ хабарига кўра, томонлар келишувни тинч йўл билан бекор қилишга қарор қилишган. Тўловлар тўхтатилганига қарамай, Фергюсон ижрочи бўлмаган директор унвонини сақлаб қолади ва жамоанинг ўйинларига таклиф қилинади.

Алекс Фергюсон 1986 йилдан 2013 йилгача «Манчестер Юнайтед»ни бошқарган ва футбол тарихидаги энг кўп мукофотланган мураббийлардан бири. Унинг қўл остида клуб 13 марта Англия чемпиони бўлди, 5 марта Англия кубоги, 4 марта Англия лигасининг кубоги ва 10 марта мамлакат Суперкубогини қўлга киритди.

Бундан ташқари, Фергюсон «Манчестер Юнайтед»ни халқаро муваффақиятларга олиб келди, жумладан, Чемпионлар лигасида иккита ғалаба, шунингдек, Европа кубоги ғолиблари кубоги, УЕФА Суперкубоги, қитъалараро кубок ва клублар ўртасидаги жаҳон чемпионати ғолиблиги.

.