“КВН” бошловчиси Александр Масляков вафот этди

Россияда “КВН” (“Қувноқлар ва зукколар клуби”) бошловчиси Александр Масляков вафот этди. Бу ҳақда “КВН” расмий Telegram-каналида маълум қилинди. Бошловчининг ўлимини унинг ўғли — кичик Александ Масляков ҳам тасдиқлади.

У 82 ёшда эди. Ўлим сабаби маълум қилингани йўқ.

Масляков “КВН”ни 1964 йилдан бошлаб олиб борган. 1971 йилда “КВН” ёпилган, аммо дастур 1986 йилда эфирга қайтгач, Масляков унинг доимий бошловчисига айланган.

2024 йил апрелида Масляковда коронавирусдан кейин ўпка саратони аниқлангани хабар берилган, шу сабабли у “КВН”даги фаолиятини тўхтатган эди.