Миср президенти Ғазони тиклаш қийматини баҳолади

Миср президенти Абдул Фаттоҳ ас-Сисий Исроил ҳарбийлари ҳаракатларидан жабр кўрган Ғазони тиклаш харажатларини 90 миллиард доллардан ортиқ деб баҳолади. Миср раҳбарининг сўзлари “Ал-Қоҳира ал-Ихбария” телеканалида намойиш этилди, унда ас-Сисий Ғазо секторидаги минглаб одамларнинг ҳаётига зомин бўлган “чуқур фожиа” ҳақида гапирди ва қайта қуриш учун катта маблағга эҳтиёж борлигини таъкидлади.

Ас-Сиси Мисрнинг Фаластин халқини барқарор қўллаб-қувватлашини таъкидлаб, унинг манфаатларини ҳимоя қилишга ваъда берди. Унинг сўзларига кўра, Миср фаол равишда ўт очишни тўхтатишга интилмоқда ва Ғазо аҳолисига гуманитар ёрдам кўрсатмоқда, қуруқликдаги транспорт қийинчиликлари туфайли ёрдамни ҳаво орқали етказмоқда. Президент, шунингдек, аҳолини максимал даражада қўллаб-қувватлаш мақсадида Рафах назорат-ўтказиш пункти туну-кун ишлаётганини айтди.

Ас-Сиси Ғазодаги можаро нафақат Миср, балки бутун минтақа учун хавф туғдираётгани ҳақидаги фикрни билдирди ва Миср инқироз ва қийинчиликларга қарамай, бу мураккаб минтақада барқарорлаштирувчи омил ва тинчлик тарафдори бўлишда давом этаётганини таъкидлади.