Молдовада президентлик сайловларининг иккинчи босқичи бошланди

Молдовада президентлик сайловларининг иккинчи босқичида овоз бериш бошланди. Сайлов участкалари соат 07:00 (Тошкент вақти билан 10:00) да очилди ва 21:00 (Тошкент вақти билан 00:00)гача очиқ қолади, деб хабар беради Поинт.

Нашр маълумотларига кўра, жами 2219 та сайлов участкаси очилган, улардан 1988 таси Молдова ҳудудида. Яна 231 та сайлов участкалари 37 мамлакатда ташкил этилган.

Давлат раҳбари лавозимига амалдаги президент Майя Санду ва собиқ бош прокурор Александр Стояногло даъвогарлик қилмоқда. Биринчи тур натижаларига кўра, Санду 42,49 фоиз, Стояногло эса 25,95 фоиз овоз олган.

Агар овоз беришда сайловчиларнинг камида бешдан бир қисми иштирок этса, иккинчи турдаги сайлов ўтган ҳисобланади. Энг кўп овоз тўплаган номзод ғалаба қозонади.