Москва суди террорчилар фойдаланган оқ “Рено” автомобилининг собиқ эгасини ҳибсга олди

Террорчилар фойдаланган оқ “Рено” автомобилининг собиқ эгаси Диловар Исломов Москвада ҳибсга олинди. 1999 йилда туғилган Исломов Россия фуқароси, авваллари такси ҳайдовчиси бўлиб ишлаган, дея хабар беради «Дождь» телеканали.

Тергов маълумотларига кўра, Шамсидин Фаридуний 2024 йил узоғи билан 11 мартда  Исломовни, шунингдек, унинг укаси Аминжон Исломовни уюшган гуруҳ фаолиятига жалб қилган.

“Новая газета Европа” билан суҳбатда Диловар Исломов автомашинани “тахминан бир ҳафта олдин” хотинининг акасига совға қилгани ҳақида айтган. Унинг сўзларига кўра, унинг машинасининг суратлари янгиликларда пайдо бўлгач, у акаси билан полицияга мурожаат қилган.

“Бу менинг машинам эди. Бу суратларни ўзим кўрганимда [теракт жойида] ҳайратда қолдим. Мен нима қилишни билмайман. Хотинимнинг акасига қўнғироқ қилишга ҳаракат қилдим, энди у телефонни кўтармаяпти. «У машина дўстига кераклигини айтганди», – деди у.