Москвада Александр Масляков билан видолашув маросими ўтказилди

Москвадаги “Планета КВН” концерт залида кўп йиллар давомида “КВН” дастурини олиб борган Александр Масляков билан видолашув маросими бўлиб ўтди.

Телебошловчини Новодевичье қабристонига дафн қилиш режалаштирилган.

Масляков 82 ёшда эди, у 8 сентябрь куни вафот этди.

Александр Васильевич Масляков – совет ва Россия телебошловчиси, 1964 йилдан бери “КВН” дастурини олиб боради, «АМиК» телевизион ижодий бирлашмасининг асосчиси ва “Клуб веселых и находчивых” (“Қувноқлар ва зукколар клуби”) – “КВН” дастурининг доимий бошловчиси.

Кўплаб таниқли россиялик артистлар ва комиклар “КВН” телеўйинининг битирувчилари бўлишган.