МРБ раҳбари: АҚШнинг кўмагисиз Киев 2024 йилда мағлубиятга учраши мумкин

Марказий разведка бошқармаси бошлиғи Уильям Бёрнс АҚШ Конгрессини Киевга ёрдам кўрсатиш тўғрисидаги қонун лойиҳасини маъқуллашга чақирди – акс ҳолда “2024 йил охиригача украиналиклар жанг майдонида мағлуб бўлиши ёки ҳеч бўлмаганда Путин сиёсий тартибга солиш шартларини қўйиши мумкин бўладиган аҳволга солиб қўйиши мумкин”.

Ҳарбий ёрдам билан украиналиклар 2024 йилга қадар ўз позицияларини сақлаб қолишлари ҳамда Путиннинг вақт ўз томонида эканлиги ҳақидаги мағрур ишончини йўқ қилиши мумкин, дейди Бёрнс.

Украинани  қўллаб-қувватлаш ортида «Россия билан урушдан кўра кўпроқ нарса турибди», дея қўшимча қилади Марказий разведка бошқармасининг (МРБ) бошлиғи: «Бу ерда сўз, шунингдек, Хитойда Си Цзинпин, унинг амбициялари ва Ҳинд-Тинч океани минтақасидаги иттифоқчиларимиз ва шерикларимиз ҳақида ҳам боряпти. Бу бизнинг ишончлилигимиз ва қатъиятимизни душманларимиз тушунадими ёки бизнинг иттифоқчиларимиз ва шерикларимиз буни тушунадими, деган масала.