Моди Путин ва Зеленскийнинг хабарларини бир-бирига етказишга рози бўлди
Яқин орада Киевга ташриф буюришни режалаштираётган Ҳиндистон бош вазири Нарендра Моди Россия-Украина низосида воситачилик миссиясини бажармайди, деб ёзади Bloomberg ўз манбаларига таяниб. Бироқ у зарурат туғилса, Россия ва Украина президентлари Владимир Путин ва Владимир Зеленскийнинг хабарларини бир-бирига етказишга рози бўлди.
Bloomberg ёзишича, Нарендра Модининг воситачилик қилишни истамаслиги Ҳиндистон Россиянинг арзон нархдаги энергия манбалари ва қуролига боғлиқлиги билан изоҳланади. Агентлик манбасига кўра, Моди билан учрашув Зеленский учун Ҳиндистоннинг низони тартибга солишдаги ролини муҳокама қилиш учун муҳимдир. Ҳиндистон бош вазири хавфсизлик нуқтайи назаридан, Киевда бор-йўғи бир неча соат вақт ўтказишни режалаштирмоқда.
8 июль куни Нарендра Моди Москвага икки кунлик ташриф билан келиб, Владимир Путин билан музокаралар ўтказган ва Украинада тинчликка эришиш учун ҳамкорлик қилишга тайёрлигини маълум қилган эди. Кремль ташрифдан кейин Ҳиндистон бош вазири “воситачилик саъй-ҳаракатлари учун даъвогарлик қилмаётгани”ни билдирди. Ҳиндистон телеканали Модининг Украинага ташрифини “дипломатик миссия”нинг давоми деб атади.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар